MAGO

I.

MAGO

Afer, in lingua Phoenicia scripsit Geographiae libros 29. quos Dion ys. Uticensis Graece versos Sex tilio praetori misit: Diophanes dein Bithynus, in libros 6. contractos Deiotaro Regi obtulit. Vide Plin. l. 23. Item, Medici nomen, qui diuturnâ peregrinatione defunctus, nil nisi tostâ farinâ in cibum est usus. Gesner. Biblioth, Vander Linden, etc.

II.

MAGO

Carthaginensium rex, dux contra Dionysium superiorem, cum ingentibus copiis in Siciliam missus Olymp. 99. annô secundô, cecidit in proelio apud Cabala.

III.

MAGO

Carthaginiensium dux, Olymp. 96. annô quevartô, qui afflictas Poenorum in Siciliâ res recreare affectans, et subiectis urbibus humaniter imperans, ac a Dionysio hostiliter habitos benigne suscipiens, et valida a Siculis aliisqueve sociis auxilia contrahens, primo amicos Dionysii depopulatus est; dein cum Dionysio congressus, pluribus octingentis amissis, in sociam urbem Abacaenum refugit.

IV.

MAGO

huius nominis plures fuisse constat. Primus rem ac disciplinam Carthaginensium auxit. Is ante bellum Punicum, ut Livius, et Trogus l. 18. c. 2. referunt cum 120. navibus bellô Tarentinô auxilio venit Romanis. aegre ferens Italiam ab externis invadi, cui actae a Senatu gratiae, auxiliaqueve remissa. Duos moriens filios reliquit, Asdrubalem, et Hamilcarem. Vide Iustin. l. 18. et 19. Item Mago Annibalis frater, causa victoriae apud Trebiam fuit, sed apud Locros a Manlio clausus ab Annibale liberatur. Livius quoque l. 30. c. 18. et 19. scribit, Magonem tum, cum in Africam per legatos evocatus navigaret, apud Corsicam obiisse. Mago alius a Scipione capitur apud Carthaginem in Hispania, Romamqueve per Laelium mittitur. Mago denique de Re Rusticâ scripsit, quem Columella l. 1. c. 1. rusticationis parentem vocat. Cuius 28. memorabilia volumina ex Senatusconsulto in Latinum sermonem conversa sunt. Huius meminit Servius, quem Virgilium in Georgicis imitatum scribit.

V.

MAGO

oppid. Balearis minoris. Mela l. 2. c. 7. Mahon hodie, seu porto Mahon, portus amplissimus, cum oppidulo et arce S. Philippi, in parte Orientali a Citadella oppid. 15. milliar. in Ortum.